മഞ്ജു-ദിലീപ് ബന്ധത്തിലെ സ്വരചേര്‍ച്ചകളെ ഗോസിപ്പ് കോളങ്ങള്‍ ആഘോഷകാരണങ്ങളായി ഏറ്റെടുത്ത സമയത്താണ് ഹൌ ഓള്‍ഡ്‌ ആര്‍ യു എന്ന "മലയാള"പടം ഇറങ്ങുന്നത്.. അതുകൊണ്ട് തന്നെ മലയാളിയുടെ ആത്മ സംതൃപ്തിക്കു വേണ്ടി കഥയേയും സന്ദര്‍ഭങ്ങളെയും വലിയ പാടില്ലാതെ വളച്ചോ നീട്ടിയോ കുറുക്കിയോ പ്രേക്ഷകന് ഉപകാരപ്പെടുത്താം... പക്ഷെ എന്‍റെ വിഷയം അതല്ല... നിരുപമ രാജീവ് എന്ന മഞ്ജുവിന്റെ കഥാപാത്രത്തിന്‍റെ ചോദ്യമാണ്..!!
മുഖ്യധാരകളില്‍ സ്ത്രീ ശബ്ദങ്ങള്‍ നന്നേ കുറഞ്ഞു പോവുനതിനുള്ള കാരണങ്ങള്‍ അക്കമിട്ടു നിരത്തുന്നു നിരുപമ... മറ്റാരുടെയോക്കയോ സ്വപ്നങ്ങള്‍ക്ക് വളവും വെള്ളവും കൊടുത്ത് ഭാരത സ്ത്രീകള്‍ സ്വയം സ്വപ്‌നങ്ങള്‍ മറന്നു പോവുന്ന യാഥാര്‍ത്ഥ്യം റോഷന്‍റെ ഈ സിനിമയിലൂടെ ബോബി-സഞ്ജയ്‌ പ്രതിഭകളുടെ തിരക്കഥയിലൂടെ പ്രേക്ഷകന് മുന്‍പിലെത്തുന്നു... സത്വം മറന്നു പോയ ജീവനുകളില്‍ ഓര്‍മ്മപ്പെടുത്തലുകള്‍ നല്‍കി സ്വപ്നങ്ങളെ തിരികെ ഉണര്‍ത്തുന്നതിനോടൊപ്പം ഗ‌‍ൌരവമേറിയ സാമൂഹിക പ്രശ്നങ്ങളും സിനിമയില്‍ പറഞ്ഞു പോവുന്നു..
കുഞ്ചാക്കോ ബോബനും, വിനയ് ഫോര്‍ട്ടും എല്ലാം തങ്ങളുടെ പതിവ് മാനറിസങ്ങളില്‍ ആയിരുന്നെകിലും അത് കഥാപത്രങ്ങളെ പൂര്‍ണ്ണതയില്‍ എത്തിച്ചു... തെസ്നിഖാനും കലാരഞ്ജിനിയും പേരറിയാത്ത ആ ബസ്‌ യാത്രക്കരിയും എന്നെ ഒരുപാട് ചിരിപ്പിച്ചു.. ചിരിപ്പിച്ചതിലും ചിന്തിപ്പിച്ചതിലും മുന്‍ നിരയില്‍ പക്ഷെ നിരുപമ എന്ന മഞ്ജു തന്നെ, അവര്‍ തന്നെ ആണ് ശരിക്കും സുപ്പര്‍ സ്റ്റാര്‍..
കുഞ്ചാക്കോ ബോബനും, വിനയ് ഫോര്‍ട്ടും എല്ലാം തങ്ങളുടെ പതിവ് മാനറിസങ്ങളില്‍ ആയിരുന്നെകിലും അത് കഥാപത്രങ്ങളെ പൂര്‍ണ്ണതയില്‍ എത്തിച്ചു... തെസ്നിഖാനും കലാരഞ്ജിനിയും പേരറിയാത്ത ആ ബസ്‌ യാത്രക്കരിയും എന്നെ ഒരുപാട് ചിരിപ്പിച്ചു.. ചിരിപ്പിച്ചതിലും ചിന്തിപ്പിച്ചതിലും മുന്‍ നിരയില്‍ പക്ഷെ നിരുപമ എന്ന മഞ്ജു തന്നെ, അവര്‍ തന്നെ ആണ് ശരിക്കും സുപ്പര്‍ സ്റ്റാര്‍..
ഇത് തീര്‍ച്ചയായും കണ്ടിരിക്കേണ്ട സിനിമയാണ്.. ഒരു പക്ഷെ ദാമ്പത്യ ജീവിതത്തിന്‍റെ പടിവാതില്‍ക്കല്‍ നില്‍ക്കുന്നത് കൊണ്ടായിരിക്കാം, ഈ സിനിമയുടെ പ്രസക്തി ചില്ലറയല്ല എന്ന് എനിക്ക് തോന്നുന്നു.. എന്‍റെ ജിവിതത്തിന്റെ (തിരിച്ചും) പങ്കു പറ്റാന്‍ രേഷ്മ വരുമ്പോള്‍ അവളോട്‌ ഞാന്‍ നേരിട്ട് പറഞ്ഞിട്ടുള്ള കാര്യം ഒരിക്കല്‍ കൂടെ പറയുന്നു, നിന്‍റെ സ്വപ്നങ്ങളും ആഗ്രഹങ്ങളും രീതികളും ശൈലികളും ഉപേക്ഷിച്ച് എന്‍റെ വഴിക്ക് വരാതിരിക്കുക.. നീ നിന്‍റെ സ്വപ്നങ്ങളെ പിന്തുടര്‍ന്നുകൊള്‍ക..!!
No comments:
Post a Comment