കുട്ടിക്കാലത്ത് വിഷുവിന് പടക്കം പൊട്ടിക്കാന് എനിക്ക് വലിയ താല്പ്പര്യമായിരുന്നു.. താല്പ്പര്യത്തിനോളം തന്നെ പേടിയും ഉണ്ടായിരുന്നു എന്ന് പറഞ്ഞാല് ഞാന് നിഷേധിക്കുകയില്ല..!! കാരണം അതൊരു സത്യമായിരുന്നു എന്നത് തന്നെ..
അതുകൊണ്ട് തന്നെ ഇളയൂരിലെ തറവാട്ടില് മുറ്റത്തിന്റെ ഒരു മൂലയില്, ഓലപടക്കം എടുത്ത്, കണ്ണില് തുളയിട്ട കണ്ണന് ചിരട്ടയുടെ ഉള്ളില് വച്ച്, പടക്കത്തിന്റെ തിരി ചിരട്ടത്തുളയുടെ ഉള്ളിലൂടെ പുറത്തേക്കിട്ട്, തിരിയുടെ മുകളില് രണ്ടിഞ്ചു നീളത്തില് കടലാസ് പിരിച്ചത് ചേര്ത്ത് വച്ചു തീയും കൊടുത്ത്, ഞാന് വീടിന്റെ ഇറയത്തേക്കു ഓടി പോയി ചെവിയും പൊത്തി നില്ക്കും.. പടക്കം ചീറ്റിയില്ലെങ്കില് അത് പൊട്ടി കണ്ണന് ചിരട്ട ചിതറിത്തെറിക്കുന്നത് കാണാം..!! അത്രേം വലിയ ചടങ്ങായിരുന്നു എന്റെ ഒരു പടക്കം പൊട്ടിക്കല്...!!
ഇത്രേം പറഞ്ഞത് എന്താണ് എന്ന് വച്ചാല്, ഞാന് കെട്ടാന് പോവുന്ന പെണ്ണ് എന്നെ വിളിച്ചിട്ട് പറയാണ്, അവള് രാവിലെ തന്നെ വിഷു സ്പെഷ്യല് ഗുണ്ടോക്കെ തിരിയും കത്തിച്ചുകൊണ്ട് അമ്മാനമാടി ചുമ്മാ ഇങ്ങനെ കയ്യില് വച്ചു പൊട്ടിച്ചു കളിച്ചു എന്ന്.. "ഇതൊക്കെ എന്ത്, സിമ്പിള്" എന്ന്...!! ഫയങ്കരം ലേ..!!
ഈ പറഞ്ഞതാണോ അതോ കയ്യില് വച്ചു പൊട്ടിച്ചതാണോ ഗുണ്ട് എന്നറിയാന് വല്ല മെഷീനും കണ്ടു പിടിക്കണം...!!
No comments:
Post a Comment