രാവിലെ എഴുന്നേറ്റു എവിടെയെങ്കിലും പോവുക, കുറച്ചു ഫോട്ടോ എടുക്കുക, വെയില് മൂക്കുമ്പോഴേക്കും തിരിച്ചെത്തുക.. ഇത്രയേ ഉദ്ദേശം ഉണ്ടായിരുന്നുള്ളൂ.. വിനോദ് ഭായ് ഇന്നലെ രാത്രി തന്നെ ഇവിടെ എത്തി.. ഭായ് തന്നെ ആണ് ഐ ഐ എസ് സി യില് പോവാം എന്ന് നിര്ദേശിച്ചത്... ആറരക്കു വീട്ടില് നിന്നിറങ്ങി എന്റെ ബൈക്കില് അങ്ങോട്ട് വിട്ടു... വിനോദ് ഭായിയുടെ ഒരു സുഹൃത്ത് അവിടെ ഗവേഷണ വിദ്യാര്ത്ഥി ആണ്..
ഗെയിറ്റില് എത്തി സുഹൃത്തിനെ കാണാന് വേണ്ടിയാണു എന്ന് പറഞ്ഞപ്പോള് സന്ദര്ശകരുടെ രജിസ്റ്ററില് പേരെഴുതി വയ്ക്കാന് പറഞ്ഞു... ആ കര്മ്മം നിര്വ്വഹിച്ചു, പച്ചപ്പ് പുതച്ചു ഇളം വെയില് കൊണ്ട് കിടക്കുന്ന ആ ക്യാംപസിലൂടെ കുറച്ചു ദൂരം വണ്ടി ഓടിച്ചു, പിന്നെ വണ്ടി ഒതുക്കി ക്യാമറ പുറത്തെടുത്തു നടന്നു... ഈ നഗരത്തിനു നടുവില് ഇത്രയധികം മരങ്ങളും കിളികളും ഉണ്ട് എന്നത് എനിക്ക് അത്ഭുതമായി തോന്നി..!! മരക്കൊമ്പിലെ കിളികളെ ഫോക്കസ് ചെയ്തു തുടങ്ങിയതും സെക്യൂരിറ്റി ഗാര്ഡ് വന്നു ഫോട്ടോ എടുക്കാന് പാടില്ല എന്ന് മുന്നറിയിപ്പ് തന്നു... ക്യാമറ പൂട്ടി ബാഗില് ഇടേണ്ടി വന്നു...
പിന്നെ അവിടെ നടന്നു സമയം കളഞ്ഞിട്ടു കാര്യമില്ല...ഫോട്ടോ എടുക്കാന് പുതിയ സ്ഥലം നോക്കണം.. മുന്പ് കേട്ട് പരിചയമുള്ള ഒരു സ്ഥലമുണ്ട്.. പോട്ടറി ടൌണ്.. നഗരത്തിനുള്ളില് മണ്പാത്രങ്ങള് നിര്മ്മിക്കുന്ന ഒരു തെരുവ്..വഴി അറിയില്ല...കുറച്ചു വഴി തെറ്റിയപ്പോള് പിന്നെ ഗൂഗിള് മാപ്പ് ശരണം..!! അത് കൃത്യമായി ഞങ്ങളെ ആ തെരുവില് എത്തിച്ചു..!! വഴിവക്കില് തന്നെ ധാരാളം മണ്പാത്രങ്ങള് കാണാം... പല വലിപ്പത്തില്, പല രൂപത്തില്...!! ഞങ്ങള് ആ ചെറിയ തെരുവിലൂടെ നടന്നു തുടങ്ങി.. പാത്രം വാങ്ങാന് വന്നവര് ആണെന്ന് കരുതി ഒരു സ്ത്രീ ഞങ്ങളോട് കാര്യം അന്വേഷിച്ചു.. പാത്രം ഉണ്ടാക്കുന്നത് കാണണം എന്ന് പറഞ്ഞപ്പോള് ഒരു വീട്ടിനുള്ളിലേക്ക് കൊണ്ട് പോയി...
അവിടെ ഒരാള് കളിമണ്ണ് കൊണ്ട് ചിരാതുകള് നിര്മ്മിക്കുകയാണ്... !! മോട്ടോര് ചക്രത്തില് കളിമണ്ണ് വച്ചു തിരിച്ച് കൈകൊണ്ടു അയാള് ചിരാതുകള് ഓരോന്നോരോന്നായി പെട്ടന്ന് തന്നെ കടഞ്ഞെടുത്തു കൊണ്ടിരുന്നു..കുറച്ചു ഫോട്ടോ എടുത്തു ഞങ്ങള് പുറത്തിറങ്ങി.. അവിടെ ഒരാള് കളിമണ്ണ് ചവിട്ടി പതം വരുത്തുന്നു...!! പിന്നെ ഞങ്ങള് പോയത് ഒരു ചൂളക്കളത്തിലേക്ക്.. ചൂളയില് വച്ച് പാകപ്പെടുത്തിയ ചിരാതുകള് കുറേ പേര് കുട്ടയില് വാരി കൊണ്ട് പോകുന്നു.. വഴിയരികില് പുതിയ ചെറു കലങ്ങള് ഉണങ്ങാന് നിരത്തി വച്ചിട്ടുണ്ട്.. ക്യാമറക്ക് നല്ല പണിയായി..!!
ഞങ്ങളെ കണ്ടു ബാബു എന്ന് സ്വയം പരിചയപ്പെടുത്തിയ ഒരാള് അടുത്തു വന്നു അയാളുടെ നിര്മ്മാണ ശാലയിലേക്ക് ക്ഷണിച്ചു.. അവിടെ ബാബു അണ്ണന്റെ മകന് പുതു തലമുറയെ പാത്ര നിര്മ്മാണം പഠിപ്പിക്കുകയായിരുന്നു.. ബാബു അണ്ണന് നിര്മ്മാണത്തിന് പുറമേ സ്കൂളിലും ഓഫീസുകളിലും പരിശീലനവും നടത്താറുണ്ട്... ഞങ്ങള്ക്കും ബാബു അണ്ണന് പരിശീലനം തന്നു... തണുത്തു മാര്ദ്ദവമുള്ള കളിമണ്ണില് നനഞ്ഞ കൈ കൊണ്ട് ഞാനും ബാബു അണ്ണന്റെ സഹായത്തോടു കൂടി ഒരു ചെറിയ മണ്പാത്രം കടഞ്ഞെടുത്തു.. !! കുറച്ചു നേരം കൂടി അണ്ണനോട് സംസാരിച്ചതിന് ശേഷം ഞങ്ങള് ഗുരുദക്ഷിണ വച്ചു വീട്ടിലേക്കു തിരിച്ചു...!!
തിരിച്ചുള്ള വരവില്, ആദ്യം ട്രാഫിക് പോലീസ് പിടിച്ചു, എമിഷന് കഴിഞ്ഞ ആഴ്ച്ച കഴിഞ്ഞത് അറിഞ്ഞില്ല, പോരാത്തതിന് തമിഴ്നാട് റെജിസ്ട്രെഷന് വണ്ടിയും (കര്ണാടക ടക്സ് അടച്ചിട്ടില്ല).. കൈക്കൂലി കൊടുത്ത് സംഗതി ഒതുക്കി.. തീര്ന്നില്ല, കുറച്ചു കൂടെ പോയപ്പോള് വണ്ടിയുടെ ആക്സിലറെട്ടര് കേബിള് പൊട്ടി... ഞായര് ആയതുകൊണ്ട് അടുത്തുള്ള വര്ക്ക്ഷോപ്പ് ഒന്നും തുറന്നിട്ടില്ല... വീട് വരെ വെയിലത്ത് വണ്ടി തള്ളി.. ഞായര് തീരാന് ഇനിയും സമയം ഉണ്ട്... ഇന്നിനി കൂടുതല് ഒന്നും താങ്ങില്ല.. ഇനി വിശ്രമം..!!
തിരിച്ചുള്ള വരവില്, ആദ്യം ട്രാഫിക് പോലീസ് പിടിച്ചു, എമിഷന് കഴിഞ്ഞ ആഴ്ച്ച കഴിഞ്ഞത് അറിഞ്ഞില്ല, പോരാത്തതിന് തമിഴ്നാട് റെജിസ്ട്രെഷന് വണ്ടിയും (കര്ണാടക ടക്സ് അടച്ചിട്ടില്ല).. കൈക്കൂലി കൊടുത്ത് സംഗതി ഒതുക്കി.. തീര്ന്നില്ല, കുറച്ചു കൂടെ പോയപ്പോള് വണ്ടിയുടെ ആക്സിലറെട്ടര് കേബിള് പൊട്ടി... ഞായര് ആയതുകൊണ്ട് അടുത്തുള്ള വര്ക്ക്ഷോപ്പ് ഒന്നും തുറന്നിട്ടില്ല... വീട് വരെ വെയിലത്ത് വണ്ടി തള്ളി.. ഞായര് തീരാന് ഇനിയും സമയം ഉണ്ട്... ഇന്നിനി കൂടുതല് ഒന്നും താങ്ങില്ല.. ഇനി വിശ്രമം..!!
No comments:
Post a Comment