അസാധാരണം:-
-----------------------
അത്യാവശ്യം അങ്ങാടി തെണ്ടലും കറക്കവും കഴിഞ്ഞു ഏതാണ്ട് എട്ട് എട്ടരയോടെ ഞാന്‍ വീട്ടിലെത്തി... ഞാന്‍ വന്നു കയറുമ്പോള്‍ അമ്മയും അയല്‍പക്കങ്ങളിലെ കുറച്ചു ചേച്ചിമാരും മുറ്റത്തുണ്ട്‌... എല്ലാരും കൂടെ തിരുവാതിരക്കളി പ്രാക്ടീസ് ചെയ്യുകയാണ്... വര (വായപ്പാറപ്പാടി റസിഡന്‍ഷ്യല്‍ അസോസിയേഷന്‍) യുടെ ആഘോഷ പരിപാടിയുടെ ഭാഗമായുള്ളതാണ്... ആദ്യം കണ്ടപ്പോള്‍ എനിക്ക് ചിരിയാണ് വന്നത്... കെട്ടിച്ചു വിട്ട മോളും കെട്ടിക്കാന്‍ പാകമായ മൂത്ത മകനും ഉള്ള അമ്മയും സമപ്രായക്കാരും ഈ പ്രായത്തില്‍ മുറ്റത്ത്‌ നിന്ന് ഡാന്‍സ് പഠിക്കുന്നത് കണ്ടിട്ട് സഹിച്ചില്ല...!! അണപൊട്ടി വന്ന ചിരി മുറുക്കനെ അടക്കിപിടിച്ച് ഞാന്‍ അകത്തേക്ക് കയറിപ്പോയി...!!
സാധാരണം:-
-------------------
വാതില്‍ തുറന്നു അകത്തു കയറിയ എന്നെ വരവേറ്റത് പേരറിയാത്ത ഏതോ മലയാളം സീരിയലിലെ നാടകീയ സംഭാഷണങ്ങള്‍...!! വാക്കുകളില്‍ ദുഷ്ട്ടത നിറച്ച് കുടുംബിനികളും ഗൃഹനാഥനും മരുമകളെ പീഡിപ്പിക്കുന്ന കാഴ്ചകള്‍...വീട് നിറയെ നെഗറ്റീവ് എനര്‍ജി.. എല്ലാം സോഫയില്‍ ഇരുന്നു കണ്ട് സീരിയലിനു ഒപ്പം ജീവിക്കുന്ന അച്ഛമ്മ...ഏതൊരു മലയാളി വീടിലെന്നപോലെ പതിവ് കാഴ്ച്ച...!!
അസാധാരണവും സാധാരണവും തമ്മിലുള്ള സംഘര്‍ഷങ്ങള്‍ക്ക് വേദിയാവുകയായിരുന്നു പിന്നീട് എന്‍റെ മനസ്സ്.... അസ്വസ്ഥമാകുന്ന കുടുംബ ജീവിതത്തിനു കാരണമാകുന്നത് സാധാരണം എന്ന് വിധിയെഴുതിയെ പതിവ് രീതികള്‍ ആണ് പലപ്പോഴും... അതിനുള്ള പരിഹാരം അസാധാരണമായ ആദ്യ കാഴ്ച്ച തന്നെയാണ്... പരസ്പരം കുറ്റവും കുറവും കുന്നായ്മ്മയും പറയാനും ദുഷ്ടത ഉള്ളില്‍ വളര്‍ത്താനും സമയം കളയാതെ കൂട്ടായ്മ്മകളിലേക്കും നന്മകളിലേക്കും തിരിയാന്‍ കഴിഞ്ഞാല്‍ ഒരു പരിധി വരെ കുടുംബപ്രശ്നങ്ങള്‍ക്ക് പരിഹാരം കാണാന്‍ കഴിഞ്ഞു എന്ന് വരാം... നാം ഒരു സാമൂഹിക ജീവിയാണ് എന്ന് സ്വയം ഓര്‍മ്മപ്പെടുത്താനും ഇത് സഹായിച്ചേക്കും... ഇപ്പറഞ്ഞത്‌ പുരുഷ മഹാ ജനങ്ങള്‍ക്കും ബാധകമാണ്...!!
No comments:
Post a Comment