കുറേ പേര്‍ നല്ലത് പറഞ്ഞു കേട്ടാണ് ഞാന്‍ പുണ്യാളനെ കാണാന്‍ പോയത്... അരമണിക്കൂര്‍ നേരം വൈകി തുടങ്ങിയ ഷോ, ആദ്യമൊക്കെ വിരസമായ തമാശകള്‍, പിന്നെ പിന്നെ രസം വന്നു തുടങ്ങി... പ്രത്യേകിച്ച് ശ്രീജിത്ത്‌ രവി വന്നത് മുതല്‍... പിന്നെ വീണ്ടും വിരസത, അലമ്പായ ക്ലൈമാക്സ്‌... ഇതായിരുന്നു എനിക്ക് രഞ്ജിത്ത് ശങ്കര്‍ എഴുതി സംവിധാനം ചെയ്ത പുണ്യാളന് അഗര്‍ബതീസ്... !!
എന്നെപ്പോലെ ത്രിശ്ശുരിനെയും തൃശ്ശൂര്‍ക്കാരെയും ഇഷ്ടപ്പെടുന്നവര്‍ക്ക് എന്തൊക്കെയോ ഒരല്‍പ്പം സന്തോഷിക്കാന്‍ ഈ സിനിമയില്‍ ഒളിപ്പിച്ചിടുണ്ട്... അല്ലാത്തവര്‍ക്ക് പടു വെയ്സ്റ്റ്...!! ഇതില്‍ എനിക്ക് ഏറ്റവും ഇഷ്ട്ടപെട്ടത്‌ ടൈറ്റില്‍ സോന്ങ്ങ് ആണ്... തെക്കിന്ക്കാടും, വടക്കുംനാഥനും പുലികളിയും പൂരവും അക്കാദമിയും തൃശ്ശൂര്‍ക്കാരന്റെ വികാരങ്ങള്‍ എല്ലാം ഒപ്പിയെടുത്തിരിക്കുന്നു.... പക്ഷേ കഥയാണ്‌ പ്രശ്നം..!! ക്ലാസിക് പദവിയില്‍ വച്ചിരിക്കുന്ന പല പടങ്ങളുടെയും നിഴലുകള്‍ എടുത്തു സാമൂഹിക പ്രസക്തിയുള്ള പല ഘടകങ്ങളെയും തൊട്ടു തലോടി അതിന്റെയൊന്നും അകക്കാമ്പ് തൊടാതെ എങ്ങനെയോ അവസാനിപ്പിച്ച ഒരു കഥയും തിരക്കഥയും ആയിപ്പോയി പുണ്യാളന്....!!
അഭിനയം, ജയസൂര്യ നിലവാരം പുലര്‍ത്തി...കൈയ്യടി നേടിയത് ശ്രീജിത്ത്‌ രവിയാണ്... രചനയും ടി ജി രവിയും ഇടവേളയും നന്നായി.... അജുവിനു ത്രിശൂര്‍ ഭാഷ വഴങ്ങുന്നില്ല എന്ന് തോന്നി...പുതിയ നായിക നൈല കൊള്ളാം, പക്ഷെ ജയസൂര്യക്ക് ചേരുന്നില്ല... പക്ഷെ ഇത് പോലെ ഒരു ഭാര്യയെ കിട്ടിയാല്‍ കൊള്ളാം എന്ന് തോന്നി, ആ കഥാപാത്രം നല്ലതായിരിക്കുന്നു...!!
ചുരുക്കി പറഞ്ഞാല്‍, അഗര്‍ബത്തിക്ക് ആരെയും മയക്കുന്ന മാദക മണം ഇല്ലെങ്കിലും വലിയ ദുര്‍ഗന്ധം ഇല്ലാതെ കാണാം... കൂടുതല്‍ ഒന്നും പ്രതീക്ഷിക്കരുത് എന്നുമാത്രം...!!
No comments:
Post a Comment