ചുമ്മാ സൈക്കിള് ഒക്കെ മോഷ്ടിക്കാം എന്നല്ലാതെ പ്രേക്ഷകന്റെ മനസ്സ് കവരാന് മാത്രം കഴിവില്ലാതെ പോയി ഈ സിനിമക്ക് മുന്നിലും പിന്നിലും ഉള്ളവര്ക്ക്..പ്രധാന കാരണം തിരക്കഥ തന്നെ...അറുബോറന് ആദ്യപകുതി, അതില് കുത്തി നിറച്ചിരിക്കുന്നത് കേട്ട് പഴകി തുരുമ്പിച്ചു ദ്രവിച്ച ഒരു ഫ്ലാഷ്ബാക്ക്, കളിക്കളം സിനിമ, വലതു കയ്യില് വാച്ച് കെട്ടിയ ആസിഫ് അലി, കേട്ടാല് അറക്കുന്ന ഒരു പാട്ട്... കളിക്കളത്തില് മമ്മൂട്ടി ചെയ്ത കള്ളന് വേഷം, (ആ കഥാപാത്രത്തിന്റെ പേര് ഇത് വരെ പിടികിട്ടിയിട്ടില്ല) മറ്റൊരു രീതിയില് ചെയ്ത് ആസിഫ് അലി നശിപ്പിച്ചിരിക്കുന്നു...
പിന്നെ ഇതിലെ ഏറ്റവും ആകര്ഷണം ഉള്ള ഘടകം, വിജയ് ബാബു എന്ന നടന് ആണ്... മലയാള സിനിമയില് തന്റെ സ്ഥാനം എവിടെയെന്നു സ്വയം തിരിച്ചറിഞ്ഞാല് ഈ നടന് ഒരുപാട് മുന്പോട്ടു പോവും, തീര്ച്ച...!! കാര്യമായി ഒന്നും ചെയ്യാനില്ലെങ്കിലും അപര്ണ്ണയെന്ന മുടി ബോബ് ചെയ്ത മൂക്കുത്തിയിട്ട കട്ടി ഫ്രെമുള്ള കണ്ണട വച്ച തടിച്ച ഈ സുന്ദരിയെ എനിക്ക് ഒരിക്കല് കൂടി ഇഷ്ടമായി...!! രണ്ടോ മൂന്നോ സീനിലേ ഉള്ളെങ്കിലും സിദ്ധിക്ക് ചിരി പടര്ത്തി...!! ആസിഫിന് ഒരു മാറ്റവും ഇല്ല, ഇത്രയും കാലം കണ്ട അതെ ആള്, അതെ ഭാവം... പ്രതിഭാ ദാരിദ്ര്യം ശരിക്കും അയാളില് നിഴലിക്കുന്നത് കാണാം...!!
എന്നാല് രണ്ടാം പകുതി കഥ മാറി, ട്വിസ്റ്റ്, അതിന്റെ മേലെ പിന്നേം പിന്നേം ട്വിസ്റ്റ്... പടം മുഴുക്കെ ആ വേഗത പാലിക്കാന് സംവിധായകന് കഴിഞ്ഞിരുന്നെങ്കില് ഈ സിനിമയുടെ വിധി തന്നെ മറ്റൊന്നാവുമായിരുന്നു...!! ആദ്യ പകുതി കണ്ടു ബോറടിച്ചു തിയേറ്റര് വിട്ടവര് ശരാശരിയില് ഉള്ക്കൊള്ളിക്കാമായിരുന്ന ഈ സിനിമയെ മോശം പടം എന്ന ഗണത്തില് അതിനകം പെടുത്തി കഴിഞ്ഞു...!! നല്ല ക്ലൈമാക്സ് ഉണ്ടായിട്ട് കാര്യമില്ല, അത് വരെ പ്രേക്ഷകനെ പിടിച്ചിരുത്താനുള്ള കഴിവും വേണം, അതില്ലെങ്കില് വീണ്ടും ഇത് പോലെയുള്ള രണ്ട് പടമൊക്കെ എടുത്തു പീടിക പൂട്ടി വീട്ടില് ഇരിക്കാം...!! 2.5/5
No comments:
Post a Comment