ഇന്നലെ വൈകീട്ട് വായപ്പാറപ്പടിയില്‍ നിന്ന് മഞ്ചേരിയിലേക്ക് ഒരു മടക്ക ഓട്ടോ കിട്ടി... ഓട്ടോയില്‍ തമിഴ്നാട്ടുകാരായ രണ്ട് തൊഴിലാളികളും ഉണ്ടായിരുന്നു.. ഓട്ടോ കച്ചേരിപ്പടിയില്‍ എത്തിയപ്പോള്‍ അതിലൊരാള്‍,
"എന്നാടാ അങ്കെയൊരു കൂട്ടം..?"
ഞാന്‍ നോക്കിയപ്പോള്‍ ഡിഫി യുടെ കളക്ട്രേറ്റ് വളയല്‍ മാര്‍ച്ചിനു പോവുന്ന ആളുകള്‍ ആണ്.. കയ്യില്‍ ശുഭ്രപതാക, വാനില്‍ ഉയരുന്ന മുഷ്ടി, ഉച്ചത്തില്‍ മുദ്രാവാക്യം വിളി... ജില്ലയുടെ പല ഭാഗങ്ങളില്‍ നിന്നും മലപ്പുറത്തേക്ക് കാല്‍നടയായി നടന്നു പോവുന്ന സമര ഭടന്മാര്‍...!!
"ഏതോ സ്ട്രൈക്ക്ന്ന് നെനക്കിറെന്‍.." മറ്റെയാള്‍ മറുപടി പറഞ്ഞു...
"എന്നാ പൊഴപ്പ് ഇത് സാമീ...!!" എന്നും പറഞ്ഞു പണിയായുധങ്ങളും എടുത്തു കൊണ്ട് അവര്‍ ആശുപത്രിപടിയിലെ ബിവറെജ് കൌണ്ടറിന്‍റെ ക്യൂവിലെ മലയാളികള്‍ക്ക് കമ്പനി കൊടുക്കാന്‍ ഇറങ്ങിപ്പോയി... റോഡില്‍ സമര ഭടന്മാര്‍ പിന്നെയും അണിനിരന്നു കൊണ്ടേ ഇരുന്നു...!!
ഓട്ടോയില്‍ നിന്ന് ഇറങ്ങി, നിലാവ് കണ്ടു ഞാന്‍ മുകളിലേക്ക് നോക്കിയപ്പോള്‍, ഇനിയും മണ്ടരി ബാധിക്കാത്ത തെങ്ങുകളില്‍ കയറാന്‍ ആളെ കിട്ടാതെ ഉണങ്ങി വരണ്ടു പോയ തേങ്ങകള്‍... കൊട്ടത്തേങ്ങകള്‍...!!
No comments:
Post a Comment