Wednesday, August 14, 2013

കള്ളു കുടിച്ചാല്‍ വയറ്റില്‍ കിടക്കണം..

ഈ കഥയും ഞാനും ആയി ഒരു ബന്ധവും ഇല്ല... ഇനി അങ്ങനെ തോന്നിയാല്‍ വെറും ആകസ്മികം മാത്രം... ഒരു സുഹൃത്ത്‌ പറഞ്ഞ കഥയാണ്‌ ഇതിനു ആധാരം...

കോളേജ് ജീവിതത്തില്‍ വളരെ പ്രധാനമായ ഒന്നാണ് ഹോസ്റ്റല്‍ ജീവിതം... അങ്ങനെ നമ്മുടെ നായകന്‍, ബാബു ഹോസ്റ്റല്‍ ജീവിതം നയിക്കുന്ന കാലം... വെള്ളിയാഴ്ച്ച കഴിഞ്ഞാല്‍ രണ്ടു ദിവസം മുടക്കാണ്... അന്ന് വൈകുന്നേരം മുതല്‍ കള്ളുകുടി തുടങ്ങും... ബോധം മറയുന്ന വരെ കുടിക്കും...!! അങ്ങനെ ഒരു ദിവസം ബാബു മൂക്ക് മുട്ടെ കുടിച്ചു... ബോധം ലവ ലേശം ഇല്ല... അടിച്ചു കിണ്ടിയായി ഹോസ്റ്റലില്‍ എത്തി.. അവിടെയും മിക്കവാറും പേരും ഇതേ അവസ്ഥ തന്നെ... !!

അടിച്ചു കോണ്‍ തിരിഞ്ഞ ബാബു, രണ്ടു സ്ട്രീറ്റ് ലൈറ്റ് എറിഞ്ഞു പൊട്ടിച്ചു, വരുന്ന വഴിക്ക് കണ്ട എം എല്‍ എ യുടെ കാറിന്റെ ചില്ല് പൊട്ടിച്ചു... വഴിയെ കണ്ട പോലീസുകാരനെ തെറി വിളിച്ചു ഓടി...!!

ബാബുവിന് തന്‍റെ അവസ്ഥയെ പറ്റി ഏതാണ്ട് അറിയാമായിരുന്നു... അടുത്ത മുറിയിലെ കള്ളു കുടിക്കാത്ത സുഹൃത്തിനെ വിളിച്ചു അവന്‍ പറഞ്ഞു,

"മച്ചാനെ, ഞാന്‍ നല്ല ഫിറ്റ്‌ ആണ്.. നീ എന്‍റെ മുറി താക്കോല്‍ വച്ച് പൂട്ടിക്കോ... ഇല്ലെങ്കില്‍ ഞാന്‍ എന്താ ചെയ്യുക എന്ന് എനിക്ക് തന്നെ അറിയില്ല...നാളെ രാവിലെ വന്നു തുറന്നാല്‍ മതി..!!" കുഴഞ്ഞ ഭാഷയില്‍ അവന്‍ പറഞ്ഞു 

ആശാന്‍ ബാബുവിനെ മുറിയില്‍ ഇട്ടു പൂട്ടി...പിന്നെ സുഗമായി പോയി കിടന്നു...

നാട്ടപാതിരായ്ക്ക് ഹോസ്റ്റലില്‍ പോലിസ് കയറി.... അന്ന് രാത്രി ആരോ എന്തോ വികൃതി ഒപ്പിച്ചു, അതും പൊതു സ്ഥലത്തു.. എം എല്‍ യുടെ കാറിനു കല്ലെറിഞ്ഞു, പിന്നെ ഒരു പോലീസുകാരന്റെ തള്ളക്കു വിളിച്ചു പോലും... ആളെ തപ്പാന്‍ പോലിസ് എത്തി... ഓരോ മുറിയും തുറന്നു നോക്കി... കള്ളു കുടിച്ച എല്ലാരേം പൊക്കി..ബാബുവിന്‍റെ മുറി അടച്ചിട്ട കാരണം അത് തുറന്നു നോക്കിയില്ല....മറ്റുള്ള എല്ലാ കുടിയന്മ്മാരും സ്റ്റേഷനില്‍..., പക്ഷെ ബാബു മാത്രം സേഫ്...

രാവിലെ മുറി തുറന്നു ബാബുവിന്‍റെ കൂട്ടുകാരന്‍ അവനെ എഴുന്നേല്‍പ്പിച്ചു... കണ്ണു തിരുമ്മി ബാബു ചോദിച്ചു,

"അളിയാ, കാപ്പി ഒന്നും ഇല്ലേ...?"

"ഫാ, കൂറ തെണ്ടി... ലോക്കപ്പില്‍ കിടക്കേണ്ടതായിരുനു.... അതും പോരാഞ്ഞിട്ടാ അവന്‍റെ കാപ്പി..."

അപ്പോഴായിരുന്നു ബാബു കാര്യമറിഞ്ഞത്.... തലേ ദിവസം വാതില്‍ പുറത്തു നിന്നു അടക്കാന്‍ വിട്ടു പോയിരുന്നെങ്കില്‍ ഇന്ന് സ്റ്റേഷനില്‍ ആയേനെ...

ബാബു വേഷം മാറി സ്റ്റേഷനില്‍ പോയില് സുഹൃത്തുക്കളെ ജാമ്യത്തില്‍ ഇറക്കി... ഇറങ്ങിയ വഴിയെ ബാബുവിന്‍റെ വക ഒറ്റ ചോദ്യമായിരുന്നു....

"കള്ളു കുടിച്ചാല്‍ നിനക്കൊന്നും വയറ്റില്‍ കിടക്കില്ലേടാ...??"

No comments: