വര്‍ഷങ്ങള്‍ക്കു മുന്‍പ് വമ്പന്‍ തിരമാലകള്‍ വന്നു വിഴുങ്ങിയ ഒരു മുക്കുവ നഗരം..!! അന്നത്തെ കെട്ടിടങ്ങളുടെ അവശിഷ്ടങ്ങള്‍ മുഴുവനായി തകര്‍ന്നു വീഴാതെ ഇന്നും ഇവിടെ നിലനില്‍ക്കുന്നു... അത് കാണാന്‍ മാത്രമാണ് ഇന്ന് സഞ്ചാരികള്‍ ഇവിടെ എത്തുന്നത്‌...., പഴയ പള്ളിയും റയില്‍വേ സ്റ്റേഷനും സ്കൂളും അങ്ങനെ പാതി മുക്കാലും തകര്‍ന്ന കെട്ടിടങ്ങള്‍...
അവയ്ക്ക് ചുറ്റും തൂവെള്ള മണലും അഗാധ നീലിമയാര്‍ന്ന കടലും... മണല്‍ പരപ്പില്‍ ചിതറിക്കിടക്കുന്ന ചിപ്പികളും ശങ്കുകളും... കടുത്ത വെയിലില്‍ അവിടെ ചുറ്റി നടന്നപ്പോള്‍ ഒരു വല്ലാത്ത വികാരമായിരുന്നു എനിക്ക്... തലയ്ക്കു മീതെ ഉപ്പുവെള്ളം വന്നു ശ്വാസം മുട്ടി മരിച്ച അനേകായിരങ്ങളുടെ ആത്മാക്കള്‍, അവര്‍ ഒട്ടും പരിചിതര്‍ അല്ലെങ്കില്‍ കൂടി എന്നെ അലോസരപ്പെടുത്തി... ഇന്നധികം ആള്‍പ്പാര്‍പ്പില്ലാത്ത ആ തുരുത്തുകള്‍ സഞ്ചാരികള്‍ക്ക് വെറും കൗതുകം മാത്രമായി ഒതുങ്ങുന്നു...!!
ഒരു ചെറിയ ജലദോഷപ്പനി എന്നെ ധനുഷ്കോടിയിലെ കാഴ്ചകള്‍ ഓര്‍മ്മിപ്പിച്ചു... ആഡംബരമില്ലാതെ ആളനക്കമില്ലാതെ ശാന്തമായ ഒരു മണല്‍ ഭൂമി...!! പൂര്‍ണ്ണമായും തീര്‍ന്നമാരാത്ത ഒരു കൂട്ടം കെട്ടിടങ്ങളും...!!
No comments:
Post a Comment