Monday, October 14, 2013

ചിറകൊടിഞ്ഞ കിനാവുകള്‍..

എല്ലാവരേം കുറിച്ച് അറിയില്ല... എന്നാല്‍ ഞാനും ഒരു "ചിറകൊടിഞ്ഞ കിനാവ്‌" എഴുതിയിട്ടുണ്ട്... എഴുത്തിന്‍റെ ആദ്യ കാലങ്ങളില്‍... കാര്യമായ വായന ശീലമില്ലാത്താണ് ഇത്തരം എഴുത്തിനു എനിക്ക് കാരണമായത്‌...!! പെണ്ണ്‍പിള്ളേരെ ഇമ്പ്രെസ്സ് ചെയ്യാന്‍ പോക്കെറ്റില്‍ കൂതറ കവിതകള്‍ എഴുതി അത് കാണാന്‍ പാകത്തിന് കൊണ്ട് നടക്കുന്ന കാലത്ത് ഒരു കഥയെഴുതാം എന്ന് കരുതി...!! അതിന്‍റെ ഒരു ചെറു രൂപം ഇങ്ങനെ...

ഒരു പാവം പയ്യന്‍.. അവനു സംഗീതത്തില്‍ വലിയ കമ്പം... പക്ഷെ മുരടനായ അവന്‍റെ അച്ഛന്‍ സംഗീതം പഠിക്കാന്‍ അനുവദിച്ചില്ല..!!(ദുഷ്ടന്‍)  അവന്‍ ഒരു മൂളിപ്പാട്ട് പാടിയാല്‍ പോലും അവനു കഠിനമായ ചീത്ത വിളി കേള്‍ക്കേണ്ടി വന്നു...!! ആയിടക്കു അവനു ഒരു സുന്ദരി പെണ്ണിനോട് കലശലായ പ്രണയം തോന്നി...പക്ഷെ അവള്‍ അവന്റെ പ്രണയം തിരസ്കരിച്ചു...!! (പാവം ല്ലേ...!!)

പിന്നീട് ഒരു ദിവസം അവന്‍ വീട് വിട്ടു പോവുന്നു... അങ്ങ് വടക്കേ ഇന്ത്യയിലെ ഒരു സ്ഥലത്തേക്ക്... കയറിയത് കള്ള വണ്ടി തന്നെ..!! (അതാണല്ലോ പതിവ്) അവിടെ ചെന്ന് അവനെ തെണ്ടി തിരിയുന്നു... പട്ടിണി പരുവമായ അവന്‍റെ കഴിവുകള്‍ ഒരു വലിയ മനുഷ്യന്‍ തിരിച്ചറിയുന്നു... (പതിവ് തെറ്റിക്കാന്‍ പാടില്ല) അയാള്‍ അവനെ പാട്ട് പഠിപ്പിച്ചു... (പിന്നെ..!!) അവന്‍ വലിയ പാട്ടുകാരന്‍ ആവുന്നു... (ആയില്ലെങ്കിലെ അത്ഭുതമുള്ളൂ) സകല സൗഭാഗ്യങ്ങളും അവനെ തേടി വരുന്നു...!! (വരണമല്ലോ) പണവും സമൂഹത്തില്‍ വലിയ സ്ഥാനവും കൈവരുന്നു...!! അതിനിടക്ക് മികച്ച ഗായകനുള്ള ദേശീയ അവാര്‍ഡും...!! (ഹല്ല പിന്നെ..) പറയണോ പൂരം..!!

ഒരിക്കല്‍ അവന്‍ തിരിച്ചു സ്വന്തം മണ്ണിലേക്ക്... വീട്ടുകാര്‍ അവനെ രണ്ട് കയ്യും നീട്ടി സ്വീകരിച്ചു... അവന്‍റെ പഴയ പ്രണയം അവനെ സ്നേഹിക്കാന്‍ തുടങ്ങുന്നു... അവരുടെ കല്യാണം നടക്കുന്നു...ശുഭം..!!

എന്താല്ലേ..!! അവാര്‍ഡ്‌ കിട്ടേണ്ട കൃതി ആയിരുന്നു...ജസ്റ്റ്‌ മിസ്സ്‌..!! 

No comments: