രാവിലെ എഴുന്നേറ്റു കുളിച്ചു കുട്ടപ്പനായി ഇന്നലെ രാത്രിയില് ബാക്കി വന്ന ചപ്പാത്തിയും മസാലക്കറിയും കഴിച്ചു വീടും പൂട്ടി ഓഫീസില് പോവാന് ഇറങ്ങി...ഹെല്മെറ്റും വച്ചു വണ്ടി ഓണ് ചെയ്തപ്പോള് വെറുതെ പെട്രോള് നോബില് തൊട്ടു നോക്കി.. റിസേര്വ് ആയി കിടക്കുന്നു...സഹമുറിയന് ആണ് കഴിഞ്ഞ തവണ പെട്രോള് അടിച്ചത്... അവന് നോബ് തിരിച്ചിടാന് മറന്നതാണ്...!!
"ഡാ നീ ഇത് തിരിച്ചു വയ്ക്കാന് മറന്നോ...?"
"അളിയാ, ഞാന് വിട്ടു പോയതാ...!!" അവന് പറഞ്ഞു..
"എന്തായാലും ഇന്ന് പെട്രോള് അടിച്ചു ഓഫീസില് പോവാം..." വണ്ടിയുടെ മൈലേജ് അത്രയ്ക്ക് കേമമായത് കൊണ്ട് ഞാന് റിസ്ക് എടുക്കേണ്ട എന്ന് കരുതി...!!
പെട്രോള് പമ്പ് എത്തിയില്ല, അതിനു മുന്പ് തന്നെ ശകടം നിശ്ചലം...!!
"രാവിലെ തന്നെ പണി വന്നലോ...ഇന്നത്തെ ദിവസം കണക്കാ...!!" പമ്പ് വരെ വണ്ടി ഉന്തുമ്പോള് മനസ്സില് പറഞ്ഞു...
അഞ്ഞൂറ് രൂപക്ക് പെട്രോള് അടിക്കാന് പറഞ്ഞു ഞാന് വണ്ടിയുടെ മുകളില് ഞെളിഞ്ഞിരുന്നു...!! പമ്പിലെ മീറ്റര് ഓടാന് തുടങ്ങിയപ്പോള് സഹമുറിയന് ഓടി വന്നു പറഞ്ഞു,
"ഡാ... പെട്രോള് ലീക്ക് ആയി താഴെ പോവുന്നു..."
നോക്കിയപ്പോള് ശരിയാണ്, കുടുകുടാന്ന് പെട്രോള് പോയിക്കൊണ്ടിരിക്കുന്നു...പെട്രോള് ഓഫ് ചെയ്തു ഞാന് വണ്ടിയില് നിന്നും ഇറങ്ങി നോക്കി...
ഏതോ പൂ മോന് പണി തന്നിരിക്കുന്നു...പെട്രോള് ട്യൂബ് ബ്ലേഡ് വച്ചു മുറിച്ചു പെട്രോള് ഊറ്റി പോയതാണ്...കള്ള താ#%%%#..!! പിന്നെ വായില് വന്നത് മുഴുവന് സ്പെഷ്യല് ക്യാരക്ട്ടെര് മാത്രം...!! വണ്ടി പിന്നെയും ഉന്തി വര്ക്ക്ഷോപ്പിലേക്ക്
എനിക്ക് ഈ കഷ്ടപ്പാട് മുഴുവന് തന്ന ആ ##$^*^%^ ക്ക് എന്ത് കിട്ടി...അമ്പതു രൂപയുടെ പെട്രോള് മാത്രം... എനിക്ക് കൂടുതല് ആയി ചെലവ് വന്നത് വെറും മുപ്പത് രൂപ...പിന്നെ വിലമതിക്കാത്ത കുറേ സമയവും... ഈ കക്കാന് കാണിക്കുന്നതിന്റെ പകുതി ബുദ്ധിയും അദ്ധ്വാനവും മതി അന്തസ്സായി ജീവിക്കാന്...അത് വല്ലതും ആ ഊളക്ക് അറിയുമോ..!! മനുഷ്യനെ മെനക്കെടുത്താന് ഓരോ ജന്മങ്ങള്...!! ഏതു നേരത്താണോ അവന്റെ തന്തക്കും തള്ളക്കും ഇവനയോക്കെ ഉണ്ടാക്കാന് തോന്നിയത്....??
No comments:
Post a Comment