ജോലി തെണ്ടിയാണ് ഞാന്‍ ബാംഗ്ലൂരില്‍ എത്തിയത്...എങ്ങനെയെങ്കിലും ഒരു കമ്പനിയില്‍ കയറിക്കൂടണം എന്ന ആഗ്രഹത്തില്‍ ആണ് ഈ മഹാ നഗരത്തില്‍ എത്തിയത്...മുന്‍പ് പരിചയമുണ്ടായിരുന്ന മാര്‍ഷല്‍ എന്ന സുഹൃത്തിനെ നേരത്തെ വരുന്ന കാരണം വിളിച്ചു പറഞ്ഞിരുന്നു...ബാംഗ്ലൂരില്‍ ബന്ധുക്കള്‍ ഉണ്ടായിരുന്നെങ്കിലും തല്ക്കാലം അവരെ ഉപദ്രവിക്കേണ്ട എന്ന തീരുമാനത്തില്‍ എനിക്കൊരു താമസം ഒരുക്കാന്‍ ഞാന്‍ മാര്‍ഷലിനെ ഏല്‍പ്പിച്ചിരുന്നു... അങ്ങനെ ജാലഹള്ളിക്കടുത്തു ഒരു താമസം തരമായി...രണ്ടു ബെഡ്റൂം ഉള്ള ആ വീട്ടില്‍ ഞാന്‍ അടക്കം ഒന്‍പതു പേര്‍ താമസം... ചുറ്റുപാടുകളും വീടിനകവും വൃത്തിഹീനം... ഇപ്പോഴത്തെ എന്‍റെ റൂമൊക്കെ സ്വര്‍ഗ്ഗം....!!
ഓരോരുത്തരായി ഞാന്‍ പരിചയപ്പെട്ടു...പോപ്പി, ഹരി, ജിത്തു, ജാസിം, സിദ്ധിക്ക്, മറ്റുള്ളവരുടെ പേരുകള്‍ ഓര്‍മ്മയില്ല... മിക്കവാറും എല്ലാവരും ഡിപ്ലോമ പഠിക്കാന്‍ വന്നവര്‍..., വീട്ടില്‍ അത്യാവശ്യം കാശ് ഉള്ളത് കൊണ്ടാവാം ആരും ക്ലാസ്സില്‍ പോവാറുണ്ടായിരുന്നില്ല....അസ്സല് മടിയന്മാര്‍..., എന്ത് ചെയ്യാന്‍ വേറെ വഴി ഇല്ലാത്തത് കൊണ്ട് അവരുടെ കൂടെ തന്നെ താമസിച്ചു...!!
അവര്‍ക്കാണെങ്കില്‍ വലിയ വിശപ്പും ഇല്ല...ഉച്ചക്കും വൈകുന്നേരവും പുറത്തെ മലയാളി മെസ്സില്‍ പോയി ഞാന്‍ ഭക്ഷണം കഴിച്ചു...രാവിലെ എഴുന്നേറ്റു എനിക്ക് ഇന്നും തീരെ ഇഷ്ടമില്ലാത്ത മാഗി എന്ന വിര തന്നെ കഴിക്കേണ്ടി വന്നു...വല്ലപ്പോഴും കുറച്ചപ്പുറത്ത്‌ താമസിച്ചിരുന്ന വല്യമ്മയുടെ വീട്ടിലെ ഭക്ഷണം മാത്രമാണ് ഏക ആശ്വാസമായത്...എന്‍റെ താമസ സ്ഥലത്ത് സുലഭിതമായത് മദ്യം മാത്രം...!!
ആയിടക്കാണ് പോപ്പിയുടെ അച്ഛന്‍ മരിക്കുന്നത്...അച്ഛന്റെ മരിപ്പും മറ്റു ചടങ്ങുകളും കഴിഞ്ഞു എത്തിയപ്പോഴേക്കും അവന്‍റെ അറ്റെന്‍ഡന്‍സ് ഒരു വഴിയായി...കോളേജില്‍ നിന്നും പ്രത്യേകം കത്ത് വന്നത് പ്രകാരം വീട്ടില്‍ നിന്നു ആള് വരാതെ അവനെ ക്ലാസ്സില്‍ കയറ്റില്ല എന്ന അവസ്ഥയായി... ഒടുവില്‍ ഞാന്‍ അവന്‍റെ ചേട്ടനായി വേഷം കെട്ടേണ്ടി വന്നു...
ഹരിയുടെ ബൈക്കില്‍ കയറി ഞാന്‍ അവരുടെ കോളേജില്‍ പോയി...എച് ഓടിയെ കണ്ടു...
"സര്‍, ഞാന്‍ പോപ്പിയുടെ സോറി, ബിനീഷിന്റെ ചേട്ടനാണ്...വല്യമ്മയുടെ മകന്‍, അവന്‍റെ വീട്ടില്‍ നിന്നു ആള് വന്നാലെ അവനെ ക്ലാസ്സില്‍ കയറ്റു എന്ന് പറഞ്ഞത് കൊണ്ട് വന്നതാണ്‌...", അവന്‍റെ അച്ഛന്‍ കഴിഞ്ഞ ആഴ്ച മരിച്ചു പോയി, വീട്ടില്‍ നിന്നും ആരും ഈ സമയത്ത് വരാനില്ല അത് കൊണ്ടാണ് ഞാന്‍ വന്നത്"
സംഭവം സത്യമായത്‌ കൊണ്ടാവാം അദ്ദേഹം പെട്ടന്ന് അത് വിശ്വസിച്ചു..നാളെ മുതല്‍ പോപ്പിയോടു ക്ലാസ്സില്‍ വരാന്‍ പറഞ്ഞു...ഞാന്‍ പോവാന്‍ നേരത്ത് അദ്ദേഹം എന്നെ വീണ്ടും വിളിച്ചു ഇങ്ങനെ പറഞ്ഞു,
" അവന്‍ പാവമാണ്, പക്ഷെ കൂട്ട് ശരിയല്ല...ഒരു ഹരി എന്ന ഒരുത്തനുണ്ട് അവന്‍റെ കൂടെ, അവനാണ് ഈ ചെക്കനെ നാശമാക്കുന്നത്, അതൊന്ന് ശ്രദ്ധിക്കണം"
"ശരി സര്‍," എന്നും പറഞ്ഞു കൊണ്ട് പുറത്തു അത് വരെ കാത്തിരുന്ന അതേ ഹരിയുടെ തന്നെ ബൈക്കില്‍ കയറി ഞാന്‍ റൂമില്‍ പോയി...
ഇവരെ എങ്ങനെ നന്നാക്കാനാണ്, എനിക്കൊരു വഴിയും കണ്ടില്ല...പറ്റുമ്പോഴൊക്കെ കള്ളും കുടിക്കും, കിട്ടുമ്പോഴൊക്കെ കഞ്ചാവും വലിക്കും, ഗ്യാപ്പ് കിട്ടിയാല്‍ പെണ്ണും..ഇതൊന്നും പോരാത്തതിന് തൊട്ടടുത്ത റൂമില്‍ താമസിക്കുന്ന ബിജുവും കൂട്ടുകാരും ഇതിനൊക്കെ വളം വെച്ചുകൊടുക്കാനും...
മാസത്തില്‍ ഒരു പെണ്ണെങ്കിലും ആ റൂമിലെത്തും...അന്ന് മൂവായിരം രൂപ, അത് അഞ്ചു പേര്‍ കട്ടയിട്ടു...പെണ്ണ് വേണ്ടാത്ത മൂന്ന് പേരും ഞാനും ഒരു റൂമില്‍ ഒതുങ്ങി കൂടി...ഈ ശീലം കാരണം മറ്റേ റൂമില്‍ നിറയെ ഗര്‍ഭ നിരോധന ഉറകളുടെ സങ്കേതമായി...ആ മുറിയില്‍ കയറാന്‍ പോലും ഞങ്ങള്‍ അറച്ചു...നിലത്തു മുഴുവന്‍ ശുക്ലം നിറഞ്ഞ ഉറകളായിരുന്നു...!!!
ഒരു ദിവസം അവര്‍ കൊണ്ട് വന്നത് ഒരു ഹിന്ദിക്കാരി, അവള്‍ക്കു വേറെ ഒരു ഭാഷയും അറിയില്ല...കൂട്ടത്തില്‍ അത്യാവശ്യം ഹിന്ദി അറിയുന്ന എന്നെ തര്‍ജമക്ക്‌ വിളിച്ചു...ഓരോരുത്തരുടെ ആവശ്യങ്ങള്‍ ഞാന്‍ മൊഴി മാറ്റി അവളോട്‌ പറയേണ്ടി വന്നു... ചിലര്‍ക്ക് അവളെ കുളിപ്പികണം, ചിലര്‍ക്ക് അവളുടെ കൂടെ രാത്രി മുഴുവന്‍ ഉറങ്ങണം...അവരുടെ ഔദാര്യത്തില്‍ കിടക്കേണ്ടി വന്ന ഞാന്‍ അത് മുഴുവന്‍ മൊഴി മാറ്റാന്‍ നിര്‍ബന്ധിക്കപ്പെട്ടു...
മറുപടിയായി ആ വേശ്യ പറഞ്ഞ മുഴുവന്‍ തെറിയും കേള്‍ക്കാന്‍ ഞാന്‍ വിധേയനായി...!! ഒരു ജോലി എന്ന ലക്‌ഷ്യം ഉള്ളത് കൊണ്ടാവാം, മറ്റേ റൂമിലെ സീല്‍ക്കാരങ്ങള്‍ ഒന്നുംതന്നെ എന്നെ ബാധിച്ചില്ല...!! പലപ്പോഴും അത്രേ മുറിയില്‍ നിന്നു ഞാന്‍ പോയി ഇന്റര്‍വ്യൂ അഭിമുഖീകരിച്ചു....ഫലമുണ്ടായിലെങ്കിലും....!!
അങ്ങനെ പെണ്ണും, കള്ളും, കഞ്ഞാവും നിറഞ്ഞ ആ റൂമില്‍ നിന്നും ബിജു എന്നെ ഉപദേശിച്ചു...
"ഇങ്ങനെ ജോലി അന്വേഷിച്ചു നടന്നിട്ട് കാര്യമൊന്നും ഇല്ല, കാശ് വേണോ എന്‍റെ കയ്യില്‍ വേറെ വഴികളുണ്ട്"
"നേരായ വഴിയില്‍ അല്ലാത്ത ഒരു പണവും എനിക്ക് വേണ്ട" ഞാന്‍ തറപ്പിച്ചു പറഞ്ഞു...
"നീ നേരും നോക്കി കിഴക്കോട്ടു നോക്കി ഇരിക്ക്... കഴിഞ്ഞ ഒരു മാസം കൊണ്ട് ഞാന്‍ ഉണ്ടാക്കിയത് രണ്ടു ലക്ഷമാണ്"
"അതെങ്ങനെ..??" എനിക്ക് അത്ഭുതം...!!
"ഈ വരാന്‍ പോവുന്ന നഴ്സിംഗ് പരീക്ഷയുടെ ചോദ്യ പേപ്പര്‍ ഉണ്ട് എന്‍റെ കയ്യില്‍, പണം മാത്രമല്ല, കിളി പോലുള്ള ആ പിള്ളേര്‍ പോലും വരും ഇവിടെ അതിനു വേണ്ടി, കാണണോ??"
"വേണ്ടേ... കണ്ടത് തന്നെ മതി..." ഞാന്‍ മറുപടി പറഞ്ഞു...
പിറ്റേന്ന് പത്രത്തില്‍ വാര്‍ത്ത, "ബാംഗ്ലൂരില്‍ ചോദ്യപ്പേപ്പര്‍ ചോര്‍ച്ച, മുഖ്യ പ്രതിയെ അന്വേഷിക്കുന്നു"
ഞങ്ങളെ ആ വാര്‍ത്ത കേട്ട് ഞെട്ടി... ആരെങ്കിലും വാതിലില്‍ മുട്ടിയാല്‍, "ഞങ്ങളെ അറസ്റ്റ് ചെയ്യ്" എന്ന് പറഞ്ഞായിരിന്നു ഞങ്ങള്‍ വാതില്‍ തുറന്നിരുന്നത്‌..., ബിജു ഞങ്ങളുടെ വീട്ടില്‍ ആയിരുന്നു മിക്കവാറും, അത് കൊണ്ട് അങ്ങനെയല്ലാതെ പെരുമാറാന്‍ ഞങ്ങള്‍ക്കായില്ല...ഒടുവില്‍ ബിജുവിനെ പോലിസ് അറസ്റ്റ് ചെയ്തു, പത്രത്തിലും വന്നു... രണ്ടു ലക്ഷം ഉണ്ടാക്കിയ അതേ കേസില്‍ അവനെ രക്ഷപെടുത്താന്‍ അഞ്ചു ലക്ഷം ഇറക്കേണ്ടി വന്നു...എല്ലാം കഴിഞ്ഞു, സമാധാനമായപ്പോള്‍ എന്‍റെ പെട്ടിയും ബാഗും എടുത്തു ഞാന്‍ പതുക്കെ ആ റൂമില്‍ നിന്നും സ്ക്കൂട്ട് ആയി...
ഒരു ജോലി അന്വേഷിച്ചാണ് ഞാന്‍ ഇവിടെ വന്നത്, പക്ഷെ ഇത്രേം വല്യ പണി ഞാന്‍ താങ്ങില്ല...!! അതും പറഞ്ഞു ഞാന്‍ അവിടെ നിന്നു ഇറങ്ങി...തെണ്ടിയാലും വേണ്ടില്ല ഇനി ഇവിടെയില്ല...!! അവിടെ നിന്നും ഇറങ്ങുമ്പോള്‍ പ്രവര്‍ത്തി പരിചയം വേശ്യകളോടുള്ള ഭാഷാവിനിമയം മാത്രം...!! അന്ന് പോവാന്‍ ഭാഗ്യത്തിന് ഒരു വാതില്‍ തുറന്നു കിടന്നിരുന്നു... അവിടുത്തെ വിശേഷങ്ങള്‍ അടുത്ത പോസ്റ്റില്‍....,...!!
No comments:
Post a Comment