നര്‍മ്മം എനിക്ക് അത്ര വഴങ്ങുന്ന സംഗതിയായി തോന്നിയിട്ടില്ല...എങ്കിലും എന്‍റെ ചില കുറിപ്പുകളില്‍ കുറച്ചു നര്‍മ്മം കയറി വന്നിരുന്നു... അതിനു കാരണം ഒരു പക്ഷെ എന്‍റെ സുഹൃത്തുക്കള്‍ ആവാം... പ്രത്യേകിച്ച് എന്‍റെ തൃശ്ശൂര്‍ക്കാരായ സുഹൃത്തുക്കള്‍..., നര്‍മ്മം ഇത്ര നന്നായി കൈകാര്യം ചെയ്യുന്ന വേറെ ഒരു നാട്ടുകാരെയും ഞാന്‍ കണ്ടിട്ടില്ല..രക്തത്തില്‍ നര്‍മ്മം അലിഞ്ഞു ചേര്‍ന്നവരാണ് തൃശ്ശൂര്‍ക്കാര്‍...,
ഈ അടുത്ത കാലത്ത് തൃശ്ശൂര്‍ക്കാരനായ ഒരു സുഹൃത്ത്‌ പറഞ്ഞ സംഭവമാവട്ടെ ഇന്നത്തെ കുറിപ്പ്...
തന്‍റെ വീടിനടുത്ത തൊടിയില്‍ കിളച്ചുകൊണ്ടിരിക്കുകയായിരുന്ന പ്രസാദിനോട് വഴിയെ പോയ നാട്ടുകാരനായ രാമേട്ടന്‍ സൈക്കിള്‍ നിര്‍ത്തി ചോദിച്ചു...
"എന്തുട്ട്ര കിളച്ചു നോക്കുന്നത്...?? വല്ല നിധീം ഉണ്ടോടാ"
പ്രത്യേകിച്ച് പണിയൊന്നും ഇല്ലാത്ത പ്രസാദിനെ ഒന്ന് ആക്കാനാണ് ആ ചോദ്യം എന്ന് മനസ്സിലായ പ്രസാദ് പറഞ്ഞു,
"ഒന്നുല്യ രാമേട്ടാ...ഇവിടെ കഴിഞ്ഞ മാസാ കരണ്ട് കിട്ട്യത്...ഈ എര്‍ത്തായി പോവുന്ന കരണ്ടൊക്കെ എങ്ങട്ടാ പോവുന്നത് എന്ന് കുഴിച്ചു നോക്യതാ...!!"
രാമേട്ടന്‍ ഒന്നും പറഞ്ഞില്ല, നേരെ സൈക്കിള്‍ ചവിട്ടി കിഴക്കോട്ടു പിടിച്ചു...!!
No comments:
Post a Comment